بالی ووڈ کے سینئر اداکار امیتابھ بچن نے کامیڈین راجو شری واستو کو خراج عقیدت پیش کیا ہے۔بھارتی میڈیا کے مطابق امیتابھ بچن نے راجو شری واستو کیلئے اپنے بلاگ پر تعزیتی پیغام لکھا جس میں انہوں نے آنجہانی اداکار و کامیڈین کیلئے لکھا کہ ایک ساتھی، دوست اور فنکار ہمیں چھوڑ کر چلا گیا۔ ان کا کام ہمارے ساتھ رہیگا جو کہ منفرد اور مزاحیہ تھا۔
اپنے بلاگ میں امیتابھ بچن نے شیئر کیا کہ انہوں نے علاج میں مدد کیلئے راجو شری واستو کے اہل خانہ کو وائس نوٹ بھیجا تھا۔امیتابھ بچن نے بتایا کہ میرے وائس نوٹس راجو شری واستو کو علاج کے دوران سنائے گئے جس پر ایک مرتبہ اس نے اپنی آنکھ تھوڑی سی کھولی تھی۔امیتابھ بچن کے علاوہ بالی ووڈ کے دیگر اداکاروں نے بھی راجو شری واستو کی موت پر غم اور افسوس کا اظہار کیا ہے۔
