بھارتی معروف اداکار، چاکلیٹی ہیرو رنبیر کپور نے اپنے گرد گِرنے والے مداحوں کو اٹھا کر لاکھوں دل جیت لئے۔رنبیر کپور اور فلم براہمسترا کے ہدایتکار آیان مکھرجی فلم کی نمائش دیکھنے کیلئے تھیٹر پہنچے، اس دوران ہاس فل ہونے کے نتیجے میں کافی بھیڑ جمع تھی۔مداحوں اور شائقین نے رنبیر کپور کو چاروں طرف سے گھیر لیا اور آٹوگراف، سلیفیز لینے لگے۔
اس دوران سیکیورٹی کے لیے لگائی گئی رکاوٹ پر بھیڑ زیادہ ہونے کے سبب مداح نیچے گر گئے، رنبیر کپور بھگدڑ مچنے کی صورت میں وہاں سے جلدی نکلنے کے بجائے اپنے مداحوں کو اٹھانے لگے۔اس ویڈیو کا سوشل میڈیا پر آنا ہی تھا کہ رنبیر کپور کے لیے نفرت رکھنے والے صارفین بھی تعریف کرنے پر مجبور ہو گئے۔
