فیصل قریشی نے عمران اشرف کو سالگرہ کی مبارکباد دیتے ہوئے ان کے بچپن کی ایک ویڈیو شیئر کی ہے جوکہ سوشل میڈیا پر وائرل ہو رہی ہے۔پاکستان کے مشہور اداکارہ فیصل قریشی نے عمران اشرف کے ساتھ سالوں قبل ایک ٹیلی فلم گڈ بائے ریشماں میں اداکاری کے جوہر دکھائے تھے جس میں عمران اشرف کی عمر میں بیحد کم تھی۔فیصل قریشی نے انسٹاگرام پر عمران اشرف کی 33ویں سالگرہ کے موقع پران کے بچپن کی اس ٹیلی فلم کا ایک ویڈیو کلپ شئر کرتے ہوئے انہیں سالگرہ کی مبارکباد دی ہے۔
اداکارعمران اشرف اعوان نے اپنے کیرئیر کا آغاز بطور چائلڈ آرٹسٹ کیا، اس ویڈیو کلپ میں عمران اشرف کو فیصل قریشی کے ساتھ بنٹو کا کردار ادا کرتے دیکھا جا سکتا ہے۔عمران اشرف کے بچپن کی اس ٹیلی فلم گڈ بائے ریشماں کی ویڈیو کلپ سوشل میڈیا پروائرل ہورہی ہے، صارفین کی جانب سے اسے بیحد پسند کیا جا رہا ہے جبکہ مداح اداکار کوسالگرہ کی مبارکباد دیتے ہوئے نیک تمناں کا اظہار کر رہے ہیں۔
