ہولی کے دوران بجنور کے دھام پور قصبے کا ایک ویڈیو سوشل میڈیا پر وائرل ہو رہا ہے۔
یہ ویڈیو جس وقت وائرل ہو رہا تھا وہیں ہولی کے دوران جاپانی لڑکی کے ساتھ بدتمیزی کا ویڈیو بھی ملک کی راجدھانی دہلی میں زیر بحث رہا۔
بجنور کی ویڈیو، جس کا دعویٰ کیا جا رہا ہے کہ دھام پور شہر کا ہے، نوجوانوں کا ایک گروپ ہولی کھیلتے ہوئے دو برقع پوش خواتین اور دو دیگر خواتین پر غبارے پھینکتے ہوئے دکھایا گیا ہے۔
ویڈیو کے پس منظر میں پوسٹر، بھگت سنگھ کا مجسمہ اور عمارتیں نظر آ رہی ہیں۔ یہ جگہ دھام پور کے بھگت سنگھ چوک کی بتائی گئی تھی۔
کیا یہ ویڈیو صرف بجنور کی ہے؟
جب ہم بھگت سنگھ چوک پہنچے تو ہمیں وہ پوسٹر نظر آئے جو ویڈیو میں نظر آ رہے تھے۔علاوہ ازیں بجنور پولس کے ٹوئٹر ہینڈل سے کارروائی کی یقین دہانی کے بعد اس بات کی تصدیق ہوئی کہ یہ ویڈیو صرف دھام پور کا ہے۔
پولیس کا کیا کہنا ہے؟
یہ ویڈیو جمعرات سے ہی سوشل میڈیا پر وائرل ہونے لگا۔ ٹویٹر اور فیس بک پر سینکڑوں لوگ اس پر تبصرے کر رہے تھے۔
آخرکار بجنور پولیس نے ٹویٹر پر اطلاع دی کہ اسٹیشن انچارج دھام پور اور سائبر سیل کو جانچ کرنے اور ضروری کارروائی کرنے کی ہدایت دی گئی ہے۔
اس حوالے سے ایس پی ایسٹ دھرم سنگھ مارچل نے بی بی سی کو بتایا کہ ‘دیکھیں ہمیں ابھی تک اس معاملے میں کوئی شکایت موصول نہیں ہوئی، اگر کسی نے اس بارے میں تحریری شکایت کی تو اس پر کارروائی کی جائے گی۔ ویڈیو میں نظر آنے والے لوگوں کی شناخت کے لیے کوششیں کی جا رہی ہیں۔
2011 کی مردم شماری کے مطابق، 51,412 کی آبادی والا دھام پور شہر ایک ہندو اکثریتی علاقہ ہے۔ دھام پور شوگر مل شہر کو ملک اور دنیا میں اپنی الگ پہچان دیتی ہے۔
ہفتہ کو جب ہم دھام پور کے بھگت سنگھ چوک پہنچے تو یہاں کی ہلچل عام دنوں کی طرح ہے۔ اس چوک کو دھام پور شہر کا دل کہا جاتا ہے جو مرکزی بازار میں واقع ہے۔ بھگت سنگھ کے مجسمے کے ارد گرد چاٹ، پکوڑی اور جوس کی گاڑیاں یہاں کھڑی ہیں۔
